کریں گے سفر ہم بھی طیبہ کا اک دن ( مقابلہ-سفر)

★♥★♥★♥★

نعت رسول مقبولﷺ

رہی زندگی یہ اگر، دیکھ لیں گے

مدینے کی شام و سحر دیکھ لیں گے

کریں گے سفر ہم بھی طیبہ کا اک دن

جلوۂ نورِ خیـــــرالبشر دیکھ لیں گے

گزرتے جدھر سے وہ امت کے والی

وہ گلیاں وہ کوچے وہ دردیکھ لیں گے

سجاوٹ وہ نورانی گنبد کی رونق

نہ گھبراائے دل، چشم تر دیکھ لیں گے

کھجوروں کی چھاؤں وہ ساجن کا گاؤں

وہ زم زم کی میٹھی نحر دیکھ لیں گے

جہاں بے اجازت نہ جبرئیل آئیں

محمدﷺ کا پیارا وہ گھر دیکھ لیں گے

مچلتی ہے اب دل میں حسرت یہی بس

کہ ہم اپنے آقا کا در دیکھ لیں گے

جہاں کوئی گورا نہ کالا ہے فیضی

وہ چاہت کی پہلی ڈگر دیکھ لیں گے

★♥★♥★♥★